Дзень еўрапейскіх моў
26 верасня ва ўсёй Еўропе адзначаецца Дзень еўрапейскіх моў, мэта якога – заахвочваць вывучэнне і засваенне розных моў на працягу ўсяго жыцця чалавека.
Традыцыйна адзначаецца гэты дзень і ў нашай гімназіі. Сёлета ўсе мерапрыемствы былі інтэграваны ў урокі. Вучні вандравалі “Па слядах вядомых людзей” на ўроках гісторыі, геаграфіі, біялогіі, хіміі, фізікі, матэматыкі, глядзелі фільмы, перакладалі тэксты, “будавалі” Вавілонскую вежу, удзельнічалі ў віктарыне “Сцягі Еўропы”. Вучні 1 і 6 класаў удзельнічалі ў рэспубліканскім конкурсе малюнкаў, прысвечаным Дню еўрапейскіх моў. Вучні І гімназічнага класа прадстаўлялі нашу гімназію на моўным конкурсе ў вільнюскай школе імя С. Канарскага. Удзельнікі конкурса выконвалі творчыя заданні, адказвалі на пытанні віктарыны. Каманда нашай гімназіі цудоўна выступіла і заняла І-е месца. Віншуем!