Віленская гімназія імя Францыска Скарыны

Каб дзеці раслі здаровымі

Каб дзеці раслі здаровымі, спецыялісты Вільнюскага бюро аховы грамадскага здароўя раяць прытрымлівацца наступных правіл:

  • Да пачатку навучальнага года неабходна праверыць стан здароўя дзіцяці.
  • Падчас прафілактычнай праверкі доктар правярае артэрыяльны ціск, зрок, слых, крывяносную сістэму, органы дыхання, пазваночнік і стан іншых органаў, вымярае рост, вагу дзіцяці. Пры неабходнасці дае накіраванне да больш вузкіх спецыялістаў.
  • Праверка здароўя дзіцяці праводзіцца толькі са згоды бацькоў, таму адзін з іх павінен суправаджаць дзіця ў паліклініку.
  • Абавязковай з’яўляецца праверка стану зубоў і сківіцы.
  • У Літве дзейнічае праграма, паводле якойдзецям 6-14 гадоў пакрываюць спецыяльным матэрыялам пастаянныя карэнныя зубы, што захоўвае іх ад карыесу.
  • Для маладога арганізма важнае значэнне мае правільнае харчаванне. Яно садзейнічае гарманічнаму фізічнаму і інтэлектуальнаму развіццю дзіцяці. Дзеці любога ўзросту павінны ўжываць разнастайныя прадукты (як расліннага, так і жывёльнага паходжання).
  • Прывучыце сваё дзіця абавязкова снедаць. Дзеці, якія паелі раніцай, больш працаздольныя, лепш канцэнтруюць увагу, у іх лепшая памяць і настрой, радзей бывае лішняя вага. На сняданак пажадана есці кашы, стравы з цэльнага зерня.
  • На абед у школе лепш даваць не грошы, а прадукты: гэта могуць быць бутэрброды з вараным мясам, сырам, йогурт,садавіна, гародніна.
  • Асаблівую ўвагу трэба надаваць фізічнай актыўнасці, недахоп якой стрымлівае нармальнае развіццё дзіцяці.
  • Бацькі павінны пастаянна клапаціцца аб рэжыме дня дзіцяці. Дзеці павінны ў адзін і той жа час класціся спаць, прачынацца, есці, рыхтаваць урокі. Гэта дапаможа ім падтрымаць працаздольнасць, псіхічнае і фізічнае здароўе.
  • Сон – самы неабходны і лепшы пасіўны адпачынак, які ахоўвае нервовыя клеткі ад стомленасці і знясілення.
  • Важна звяртаць увагу на вагу партфеля/ранца. Для вучняў пачатковых класаў яго вага не павінна перавышаць 700 г, для старшакласнікаў – 1000 г.

Паколькі на 50 працэнтаў здароўе вызначаецца нашым ладам жыцця, то ад нашай адказнасці залежыць, ці вырастуць дзеці здаровымі і шчаслівымі.

Віленская гімназія імя Францыска Скарыны

Вул. Сеціно, 21 Вільнюс LT-04316

Tэл. / факс +370 5 245 9127

rastine@skorinos.vilnius.lm.lt

© 2024 Віленская гімназія імя Францыска Скарыны