Віленская гімназія імя Францыска Скарыны

У вянок Максіму Багдановічу

Максім Багдановіч – вядомы беларускі паэт, літаратурны крытык, перакладчык. Чалавек незвычайнага таленту і незвычайнага лёсу, усё свядомае жыццё якога прайшло па-за межамі Беларусі, але які здолеў стаць адной з самых яркіх зорак на небасхіле нацыянальнай культуры. 9 снежня 2016 года споўнілася 125 год з дня нараджэння паэта.

Літаратурна-мастацкая вечарына памяці беларускага класіка прайшла ў гэты дзень у гімназіі імя Францыска Скарыны. Падчас імпрэзы дэманстраваліся кадры з фільмаў пра М. Багдановіча, гучалі вершы паэта, песні на яго словы. Асабліва кранаючым было сумеснае выкананне знакамітай “Пагоні”.

Пасля гэтага жадаючыя з ліку прысутных чыталі любімае з паэтычнай спадчыны класіка. Верш Максіма Багдановіча “Слуцкія ткачыхі” прачытала саветнік па культуры пасольства Рэспублікі Беларусь у Літоўскай Рэспубліцы Вольга Дашыневіч.

Віленская гімназія імя Францыска Скарыны

Вул. Сеціно, 21 Вільнюс LT-04316

Tэл. / факс +370 5 245 9127

rastine@skorinos.vilnius.lm.lt

© 2022 Віленская гімназія імя Францыска Скарыны