Конкурс каліграфіі „Rašom!2017“ (“Пішам! 2017”)
Каліграфія – выразны і прыгожы почырк. Аднак ці ўмеем мы так пісаць? Сёння прыгожае пісьмо – вялікая рэдкасць. Навучыцца прыгожа, або проста добра, пісаць не так лёгка, але гэта неабходна для адукаванага чалавека. Уменне пісаць без памылак упрыгожвае чалавека, як і прыгожая мова.
У студзені - лютым 2017 года ў гімназіі праходзіў дыстанцыйны этап нацыянальнага конкурса каліграфіі імя Вінцаса Кудзіркі „Rašom!2017“. Прыемна, што ў конкурсе прынялі ўдзел не толькі вучні, але і настаўнікі. 20 конкурсных работ упрыгожылі бібліятэку гімназіі! У рэшце рэшт прыемна вярнуцца ў думках у першы клас і яшчэ раз пабачыць руку настаўніка, што выводзіць на дошцы літары, кінуць надакучыўшую шарыкавую ручку, горда ўзяць чарнільнае пяро, не толькі ўдумліва прачытаць тэксты К. Брадунаса, Г. Бераснявічуса, В. Крэве, але і перапісаць іх на белым аркушы паперы.
Галоўная мэта конкурса – удасканальваць навыкі правільнага, выразнага і эстэтычнага пісьма – была дасягнута. Сапраўдныя пераможцы тыя, хто намаганні гэтых дзён перанясе ў штодзённыя сшыткі.
Сардэчна дзякуем усім, хто прыняў удзел у конкурсе каліграфіі!
