Сардэчна запрашаем наведаць выстаўку “Бібліі Рускай Францыска Сарыны – 500”
З 27 кастрычніка 2017 года перасоўная выстаўка бібліятэкі Урублеўскіх ЛАН “Бібліі Рускай Францыска Скарыны – 500” знаходзіцца ў гімназіі імя Францыска Скарыны г. Вільнюса. Матэрыялы 15 выставачных стэндаў знаёмяць з гісторыяй напісання Бібліі, жыццём і дзейнасцю Скарыны ў Празе і Вільні, выдадзенымі ім кнігамі і ўвекавечаннем памяці аб ім у Беларусі, Літве і Чэхіі.
Сардэчна запрашаем усіх жадаючых наведаць выстаўку “Бібліі Рускай Францыска Скарыны – 500”, якая экспануецца ў файе ІІ паверха і будзе дзейнічаць да 1 снежня 2017 года (рэгістрацыя па тэл. 2 45 79 28).
Дзякуем дырэктару бібліятэкі Урублеўскіх ЛАН др. Сігітасу Нарбутасу за магчымасць экспанаваць гэтую ўнікальную выстаўку, прысвечаную гуманісту і грамадскаму дзеячу XVI стагоддзя Францыску Скарыну, чыё імя носіць наша гімназія.
